Inkomoko y'imbyino "Kabanyana k'Abakobwa "

Utorero ry'URUKEREREZA, rikomoka  ku iteka rya perezida  ryo kuwa kuwa 24 Werurwe 1974  hanyuma  iteka rya Perezida wa Repubulika No301/11 ryo ryasohotse mu Igazeti ya Leta ya Repubulika y’u Rwanda mu w’1974, ku igazeti ya 78 ryemeza ishyirwaho ry’Itorero ry’Igihugu cy’u Rwanda.  Muri yi mbyino kabanyana k'abakobwa  urukerereza rwaririmbye bavugako  nyina wa Muligo wa Mpetamacumu ariko isoko yayo ni iyi: 

Musinga ajya gusaza, yatuye i Nyanza. Mukemba yajyaga yoherezayo amakoro ngo yabaga atwawe n’abagera ku bihumbi bibiri, ashorejwe n’umuhungu we Nkunduwimye wavutse mu rwimo rwa Musinga, ari na cyo iryo zina risobanura. Umunsi umwe Nkunduwimye yageze i Gacuriro ajyanye amakoro i Nyanza kwa Musinga, abasigaye inyuma berekeza mu Mutara bikoreye. 

Abantu ba Muligo mwene Mpetamacumu ya Karuranga babahukamo babamarira ku icumu, ni ko kwirahira bati: “Nkwice Nkunduwimye mwene Mukemba.” Ibyo ngo bikaba byari ukugira ngo i Bwami batange Mukemba n’abe bicwe, cyangwa banyagwe maze Muligo n’abe bironkere ako karere. Ibi ngo Muligo yabitewe n’ ishyari yari abafitiye. 

Mukimba ariko ngo yari yaramenye ubwo bugambanyi rugikubita, ni ko kuburira Nkunduwimye ngo nagera i Bwami ntazaveyo. Byaje kumenyekana ko Nkunduwimye atihishe inyuma y’ubwo bugome bamurega, kuko yari yamaze kugera i Gacuriro hakicwa abari inyuma ye, kandi bari abantu benshi atabasha kugenzura bose. 

Muligo wa Mpetamacumu yaje guhamwa no kugoma, na we amenye ko bamushakisha arara agenda ijoro ryose ahungira mu Buganda. Muri uko guhunga, nyina yaje gukomereka ananirwa kugenda bamukurura akaboko bati: “Haguruka tugende Kabanyana k’Abakobwa” (cyari igisingizo cye). Aha ni ho Urukerereza rwakomoye indirimbo yabo yitwa Kabanyana k’Abakobwa. 

Urukerereza rwaserukiye igihugu mu mahanga inshuro nyinshi. benshi mu barubayemo  baracyahari. Hibukwa cyane abari abahanga barimo Masokubona na bwanakweri bombi bitabye Imana. Turabategurira kuzaganira na bamwe mu babaye muri iri torero bakiriho.