Soma amwe mu mateka y' ubunyabungo

Nsibura-Nyebuga yari Umwami w’ i Bunyabungo akaba uwa Murira-Muhoyo. Yari yaravukiye mu Bugesera aho nyina yaje amutwite azanyweho umunyago n’ingabo zo mu Bugesera, zari zaratabaye Mibambwe–Mutabazi mu gitero yari yaragabye i Bunyabungo, agamije guhorera nyina Nyiramibambwe abashi batwikiye mu nzu igihe abanyoro bateye u Rwanda inzu y’ i Bwami igahungira i Rusozi h’i Bukavu. Inkuru irambuye

Aha hari mu nkera yakeshejwe n'itorero indangamuco ryo muri Kaminuza y' u Rwanda

Add caption

Amateka ya zimwe muri za sheferi

  

 Sheferi  y’ u Mutara igizwe  n’ umukenke bituma ako karere karakunze kororerwamo cyane. U mutara wahoze ari igice cya Ndorwa-Mpororo-Nkole kugeza aho u rwanda ruwigaruriye hagati mu kinyejana cya 18. Nta mateka azwi cyane ku gihe cy’ ingoma y’abashambo bomu Ndorwa-Nkole bahategekaga.

Abaturage bari bahatuye  bari mu moko atandukanye arimo abagezera n’abazigaba bakoraga ubuhinzi hamwe n’abashambo,abashingo n’abahinda bakoraga ubworozi. Uzanga imibanire ishingiye ku butegetsi yari itandukanye n’ahandi. Abahinzi bategekwaga  n’abatware bo mu boko bwabo bagatanga amakoro i bwami. Aborozi wasangaga akazi kabo ari ukurarira gusa. Wasangaga ishingiro ry’ imiryango rishingiye  no ku moko aroi na ryo shinhiro ry’  ubutegetsi.

Umusozi wa Gatsibo mu Mutara w’epfo hafite amateka. Ni ho  hari inzu aye mbere aye Gihanga cyahanze ingoma nyiginya . umwami Ruhanzu II Ndoli yahamaze iminsi mike avuye I Karagwe. Ni ho yimikiwe animikanwa n’ umugabekazi mutsindirano Nyirarumaga. Umwami Yuhi III Mazimpaka ahunga abavandimwe be  ni ho yahungiye anahashingira  umuwte w’ ingabo zo kurengera ingoma ye.

Kigeli III Ndabarasa wigaruriye umutara  anahashinga urugerero  rwo ku mupaka.  Umutara wagabanijwemo ibikingi bigabanwa n’abari bagize ingabo zari ku rugeroro ziganjemo abo mu mitwe y’Abatanguha, intaganzwa n’Ababito.

Mu gihe cya Yuhi IV gahindiro n’umuhungu we Mutara Rwogera hashyizwe imitwe y’ ingabo Abashakamba, Abashumba n’ Uruyange. Hari hasanzwe kandi umutwe w’ ingabo waremwe na Ndabarinze. Uwo mutwe wari ufite imisozi mu mutara na ndorwa y’uburasirazuba.

 Ahagana  hagati mu kinyejana cya 19 nzigiye wo mu Bashambo yagizwe umutware w’imisozi yo mu Mutara w’uburasirazuba.  Umuhungu we Rwatangabo yagizwe umutware w’ urugo rw’ umwami i Gatsibo. Ahagana mu 1880 umwami Kigeli IV Rwabugili  yubatse inzu i Gatsibo yayicumbikagamo agabye ibitero mu Nkole. Ako karere karere kari kagizwe n’ imisozi ikurikira amajyepfo y’Umutara, igice cy’Ubuyaga, n’ imisozi imwe ya Ndorwa.

Dore  uko batware bahategetse bagiye basimburanwa ku ngo,a ya rwabigiri : kanyaulinja wa  Rugira umusyete yaje kuvanwaho anatangwa na Rwabugiri, Rwanuma yakurikiyeho ariko aza kuvanwaho asimburwa na  Rumenerangabo umunyiginya w’umwaya  wavanweho anicwa na Rwabugili ; Rwatangabo rwa Nzigiye, umushambo

 Dore uko umutara wategetswe hashingiye  ku bice  byo mu majyaruguru n’amajyepfo byagabanyijwe  ku gihe cy’ ingoma ya Musinga

Mu majyaruguru : Rwamwaga, umwungura, 1905-1908 ; Rutaha, umuhungu wa Rwamwaga, 1908-1912. Mu majyepfo  Mpetamacumu, wa Karuranga, umwega, 1905-1912 ; Murigo, wa Mpetamacumu ; Rukarakamba, wa Rusekampunzi, umugesera, wanyazwe mu 1929 ;asimburwa na  Gervais Lyumugabe, umuvandimwe we.

3°- Ndorwa

    Igice  cya Ndorwa  cyari muri teritwari  ya Byumba ni agace kahoze gategekwa n’ umwami wa Ankole.  Ako gace kahinduriwe inkiko inshuro nyinshi.  Iryo hindagurika ry’ inkiko ryaterwaga hanini n’ intambara hagati y’ u Rwanda na Ankole kimwe n’itegeko ry’abakoloniryabaye mu 1910.

Ndorwa yigeze kwegekwa kuri Rukiga yomekwa ku Buyaga. Ibitekerezo  byo hambere biviga  ko aka karere karanzwe n’ amateka atandukanye bimwe mu bitekerezo bitangirira  ko ku ngoma ya ruganzu II Ndoli. Ngo ni we waba yaratangije ibitero mu Ndorwa y’ uburasirazuba ahagana mu mpera z’ ikinyejana cya 16.

Ni we wa mbere  wagabye igitero mu Ndorwa y’amajyaruguru y’uburasirazuba. Mu binjyejana bibiri byakurikiye abami ba Cyirima II Rujugira n’ umuhungu we Kigeli III Ndabarasa  bihatiye kwigarurira intara zo mu majyepfo aye Ndorwa y’ ubwami bwa Nkole. Ntibabashije kuzifata zose kuko bafashe igice cyazo.

Ibitero byakomeje kugabwa kugeza ku ngoma ya Kigeri IV Rwabugili  aho yatsinze umwami wa Ankole  ahagana mu 1892. Ni nyuma y’ iyo nsinzi ndorwa  yegetswe ku rwanda burundu. Ibitero byagabwe na Rwabugili  mu ndorwa ya Nkole byabaye ahagana  haati ya 1877, 1889,1892.

Muri  iki gihe havugwa  ubutwari bwa Mararasekuru wa Nturo wayoboye ibitero ku ngoma ya Yuhi Gahindiro. Yahawe  sheferi ya  Ndorwa ya Byumba n’ umwami Gahindiro. Na Ndorwa ya Uganda kuri  ubu.

Nyuma Nturo ya Nyirimigabo we ubwe yagizwe umugaba  w’ ingabo mu gitero cyagabwe mu Ndorwa mu 1892. Mu 1910 igice cya Ndorwa-Nkole cyambuwe u rwanda nyuma  y’amasezerano y’ igabana yakozwe n’abakoroni. Niho habaye igitero  cya nyuma cvyagabwe na Musinga mu 1911.

Cyari igitero cyari kigamije guhashya Muserekande Nyiragahumuza wari umugore wa Rwabugili. Ngabo za musinga zari ziyobowe na Nturo. Imirwano yabereye mu Rutobo muri Uganda y’ ubu.

Ingabo za Nturo zatsinze urugamba Nturo azana Nyiragahumuza acungirwa i Bwami. Mu gihe cyo gushyirahi imipaka Ndorwa yari ifite sheferi zikurikira :

1/  Ndorwa y’Uburengerazuba yayoborwaga na Rukeratabaro

2/ Ndorwayo hagati, yategekwaga na  Rutayashwaga,

3/ Ndorwa y’uburasirazuba na Katabarwa

4/ Le Ndorwa-y’uburasirazuba yategekwaga na Gahizi.

   Mu ntangiriro za 1935 ivugurura cy’ uutegetsi ryagabanyije izo sheferi  ziba eshatu, Ndorwa I, II, III . mu 1939 ndorwa  yagabanyijwemo ibice bine :

1..  Ndorwa y’Uburengerazuba yayoborwaga na Rukeratabaro

2/ Ndorwayo hagati, yategekwaga na  Rutayashwaga,

3/ Ndorwa y’uburasirazuba na Katabarwa

4/ Le Ndorwa-y’uburasirazuba yategekwaga na Gahizi.

Dore  urutonde rw’abatware batwaye Ndorwa :

1/ Ndorwa- y’uburengerazuba: Vuningoma, wa Nyarwaya-Karuretwa,  umunyiginya, wayoboye ku ngoma ya Yuhi IV Gahindiro apfa mu 1840; Lyamugema, wa Rudakemwa, ukomoka kwa Yuhi I Musindi; Muyenziwa Muzigura, umunyiginya; Rukeratabaro, rwa Lyamugema, umunyiginya; Théodore Mureganshuro wa Ruhararamanzi, umushambo, watwaye kuva 1935 ; Pierre Mungarurire, wa Mureganshuro, watwaye kuva mu  1952.

2/  Ndorwa yo Hagati : Biganda, fils de Rwamuhungu, umuskete.

3/ Ndorwa-Est : Kamari, wa Nkangabishe, umwega-umwakagara ; Muyangowa Kamali ; Nyirimpeta, wa Muyango; Kamangu, ka Muyango;  Murindwa, wa Kamangu ; Rukubita, umuvandimwe wa Mulindwa ; Kanyabinja, umwuzukuru wa Muyango ; Nyagashi, mubyara Kanyabinja ; Kagonyeraka Nyagashi ; Chrysostome Katabarwa, wa Kagonyera. Mu 1952 sheferi ye yometswe ku ndorwa  yuburengerazuba  itegekwa na shefu Pierre Mungarurire.

4/ Ndorwa-y’uburasirazuba : Marara ya Munana, umunyiginya, watwaye kuva  1850 ku ngoma ya Yuhi IV Gahindiro ; Nyirimigabo, wa Marara; Paul Nturo, Nyirimigabot ; Déogratias Rwamurinda, wa Nturo wavanyweho mu  1929 ; Déogratias Gahitsiwa Rwakageyo, umusinga.  kuva 1929, iyo sheferi yometswe ku Mutara.

Dushimiye Bernardin Muzungu dukesha ibi byose

ABAVUBYI NI BANTU KI ?

Abavubyi babaga ari abantu babashaga kugusha imvura iyo yabaga yahagamye,no kuyica iyo yabaga yaciye ibintu,rubanda bagahonga amasororo kugirango abavubyi bakunde bamanure imvura cyangwa se kugirango batume yohoka. 

Umuvubyi yavubaga imvura ahuhera mu museke ukavuga Nk’inkokera , ngo ubwo arahamagara imvura cyangwa ngo arayica. Abavubyi bo ha mbere bavugwaga cyane ni Ndagano wo mu Bukunzi ho mu Kinyaga watanze mu w’1923, n’ab’ I Tumba mu Busigi hateganye n’Umusezero wa Kayenzi hakurya ya Rurinda. Abavubyi b’I Busigi bagiraga amazina y’icyubahiro.

Bakomoragahe  ubuhanga n’ ubuhangange butuma bubahwa?

Mu gitabo inganji kalinga  cyanditswe na Mgr Alex Kagame dusangamo ko  abavubyi bakomokagaga akenshi mu bahinza. Kugirango twumve neza abo aribo ni uko twabanza kumenya abahinza icyo ari cyo. Ibindi cfr Inganji Kalinga  P26

Mu bahinza habagamo  abatangaga uburumbuke aha hakaba ariho hashakirwa  inkomoko y’abavubyi kuko abami b’ imyaka babaga barimo abatanga inzira n.abavuma ibyonnyi.

Gusa nanone mu mateka y’abanyarwanda  bafataga umwami  nk ‘ umuvubyi mukuru ushobora kumanurira  imvura rubanda bagahinga bakeza. Ibyo uwashaka kubimenya  yabisanga mu gisigo  urugumye  urukanga umwami.

Mu myubahire  n’ imitekerereze y’abanyarwanda bo hambere  bemeraga ko igihugu  kitagira  umwami giteramo amapfa. Ndetse  imvura yabura ugasanga bijujuta  ngo uyu mwami aribwira  iki? Aha ariko ukaba wakwibaza niba koko umwami yari umuvubyi  mukuru  impamvu  yagombaga kujya kubanza guhanuza ngo ashake insinzi y’ amapfa.

Mu mateka y’ u Rwanda  umwami wimye hagatera  inzara  ni  Yuhi IV Gahindiro. Ayo mapfa yakurikiwe  n’ inzara   ya Rukungugu mu gihugu cyose. Kubera ko yari yararwaniye  ingoma bavuga ko Atari we  mwami imvura iguye Musare akura ubwatsi muri  iki gisigo avuga ko umwami ari we muvubyi mukuru.

Undi mwami mu bitekerez by’ abanyarwanda  ngo waba yaramanuye imvura  ni Ruganzu ubwo yari abundutse avuye I Karagwe. Icyo gihe ngo u Rwanda rwari rwaratewe n’ amapfa aje imvura  iragwa.

Uretse abavubyi abandi babangikanaga nabo  ni abavumyib’ ibyonnyi. Mu kingogo niho usanga abavubyi benshi aba bombi barubahanaga kandi  bakayobokana. Abavubyi baturaga ikora abavumyi  kugirango bazabavumire ibyonnyi abavumyi nabo bagatura amakoro  ngo bazabamanurire  imvura.

URUGERO RW’ABAVUMYI

Nko muri teritwari ya Nyanza

a.      ABAROZI

Abenshi muri bo ni abavantara baje bemeza musinga  ko  bafite  ibanga  ryo kuvuma  abantu cyangwa amatungo cyangwa  gutegeka imyuka mibi. Nk’ igihembo cy’ ibyo bakoze usangabaahabwa imisozi yo gutegeka cyangwa amashyo y’ inka. Abenshi usanga  baza I bwami  gucuruzayo imiti cyangwa uburozi. Ubu ntibikigaragara cyane.

b.     ABAPFUMU

Abapfumu ni abazi kuragura cyangwa se guhanura ibishobora kuzaba mu gihe kiri imbere. Usanga ari bo bashuka umwami Musinga . ntacyo  umwami ashobora gutegura cyangwa  gukora atabanje kuibaza abapfumu. Ni yo mpamvu usanga musinga akunda kwisubiraho ku magambo aba yavuze.

Usanga abapfumu bakomoka mu miryango ikennye  ariko kubera  ubuhanga bwabo no kubasha kwigarurira imitima ya benshi  bafite ijambo rikomeye I bwami kwa Musinga.  Bose banga abazungu ku buryo bukomeye kubera ko bahishura  ubutiriganya bwabo bakagaragaza ko ntacyo bashoboye ahubwo bashuka rubanda.

Akenshi  usanga aribo  baba bari kuisonga ry’ ubwicanyi no kwihorera biba byatanzweho uburenganzira n’umwami.  Usanga ari bo umwami abaza nib a runaka agomba kwicwa cyangwa gukira.

Urugero  ni nk’imiti abapfumu bateye kuiboma ya Ridahigwa  nyuma yo werekana ko aho hantu hatari hakwiye  guturwa n’ umwami. Hafi abatware bose baba bafitye abapfumu babo buri muntu. Ariko ntabudahangarwa cyangwa  ijambo rikomeye babga bafite  nk’abapfumu b’ I bwami.

Dore abapfumu b’ibanze ba Musinga:

·         Kabirigita  utuye  ku musozi wa Mulinga mu Mayaga

·         Karuganda …………………………………Rwasha

·         Serukamba………………………………….Rwahura

·         Sebigabiro……………………………………Nyirabwabwana

c.      ABAVUBYI

Abavubyi(bakunda kwita abashyara) nibo batanga imvura. Ni ngombwa kubavuga hano kuko bafite akamaro kanini muri rubanda. Ntakindi kibatunze kitari ukwishyuza impigu rubanda ruba rwarabahigiye. Ariko umwuga wabo usanga  unafite  ingaruka. Hari igihe imvura itinda kugwa ugasanga  rubanda rurabibasiye kuburyo hari n’abicwa bazira ko baba barishe imvura.

Abavubyi bazwi ubu ni Batege na Nyirahirwa[1]

BAMWE  MU BAPFUMU N’ABAROZI BIZEWE MURI IKI GIHE

KABIRIGITA  (umupfumu)

Ni umunyarwanda ukomoka mu bashingo (umuryango wangwa cyane n’abatutsi. Nta n’umwe wigeraga ashakamo umugeni cyangwa umugabo kuko bizana umuvumo n’ ibyago ku muryango no ku matungo. Nta n’uwabavuga mu gitondo  kubera ko batera  umwaku umunsi wose ntugire icyo ufata).

Kabirigita akomoka ku Mayaga. Se yitwa Nyaruramba yahoze ari umupfumu wa Kanjogera Nyirayuhi. Sekuru Ngagogoye yari umupfumu wa Yuhi Gahindiro na Mutara Rwogera.

Kabirigita ategeka umusozi wa Murinja mu Mayaga akaba ari na we mutware w’uwo musozi.

Musinga na Nyina baramwitabaza mu gihe hari ibibazo bikomeye bishishikaje ubutegetsi no kubijyanye n’icyemezo  kreba n’ ishyingurwa ry’amabanga y’ ibwami.  Mu 1927, I bwami babujije Kabirigita  gutura I Nyanza ariko nyuma yahoo aza gutura hafi y’ I bwami. Ni nawe ni we waraguye  ibijyanye  n’iboma rya Rudahigwa.

KAMPAYANA (umupfumu)

Akomoka mu bega akaba umuvandimwe wa Rwidegembya ni umusushefu mu Nduga no ku musozi wa Kibaga mu Bunyambiriri. Iyo umwami arambagiye Kampayana aramuherekeza n’ishyo ry’ inka kuko yaraguriye  umwami ko igihe ari mu rugendo nta yandi mata yanywa atari ay’ inka z’ibwami.

SERUKAMBA (umupfumu)

Akomoka mu muryango w’abaka(uyu muryango  uswi ku buriganya n’ impaka).

Ni umusushefu ku musozi wa Musange(igice cy’umusozi wa Nyabitare). Afatanyije na mwene se Rwanyagahutu yigeze gushaka kwigarurira ibintu bya shebuja Rwangampuhwe.

Yageze i bwami ahagejejwe no kuragura hashize hafi umwaka. Yahise yemerwa.

KARUGANDA (umupfumu)

Akomoka mu basinga. Yashyizweho na Musinga   ngo amubere umupfumu wa Rwigemaho (rwigemera) umuhungu wa Musinga.  Wapfuye afite  imyaka irindwi  mu 1927.  Karuganda ni  sushefu ku musozi wa Remera mu Marangara. No ku musozi wa Munyinya mu Kabagari. Karuganda yafatanyije na Kabirigita ku ndagu ku nzu z’iboma ya Rudahigwa.

SEBIGABIRO (Umupfumu)

Akomoka  mu Banyiginyani umuhungu wa Bandora wamenyekanye cyane mu Rwanda wapfuye mu 1928 aguye i Rubona na Kigali akaba n’umutware w’abakomoka  kuri Bandora.  Sebigabiro  ategeka umusozi wa Kirwa mu Ndiza  n’ umusozi wa Rugalika muri Rukoma.

RWAMATEMBARA(UMUPFUMU)

Akomoka mu bashingo ava inda imwe na Kabirigita agategeka Nyarurama

ABAROZI

Nta n’umwe uvugwa ku mugaragaro. Abavugwa cyane barimoo Nyirabwabwana na Kandanga ni bo bifashishwaga  mu guhuza musinga  n’abarozi bakiraga mu ngo zabo nijoro.

Abatutsi bose bazi abapfumu.  Mu gushaka insinzi abapfumu bavamu iboma rya Musinga bakajya  impaka basuzuma  ibisubizo bikwiye n’ibidakwiye. Igisubizo cyajyanwaga kwa musinga na nyina na Kabirigita.

Iryo raguza riba mu ibanga  rikomeye. Amazina yabo twayamenye tuyahishuriwe na Rudahigwa. Aba bapfumu babaga batemerewe kurenga  imisozi bategeka batabiherewe uburenganzira na rezida cyangwa  intumwa ye.

twandikire kuri nfidelis12@yahoo.fr  

 

Fidele N.

---

ABAVUBYI NI BANTU KI ?

Abavubyi babaga ari abantu babashaga kugusha imvura iyo yabaga yahagamye,no kuyica iyo yabaga yaciye ibintu,rubanda bagahonga amasororo kugirango abavubyi bakunde bamanure imvura cyangwa se kugirango batume yohoka. 

Umuvubyi yavubaga imvura ahuhera mu museke ukavuga Nk’inkokera , ngo ubwo arahamagara imvura cyangwa ngo arayica. Abavubyi bo ha mbere bavugwaga cyane ni Ndagano wo mu Bukunzi ho mu Kinyaga watanze mu w’1923, n’ab’ I Tumba mu Busigi hateganye n’Umusezero wa Kayenzi hakurya ya Rurinda. Abavubyi b’I Busigi bagiraga amazina y’icyubahiro.

Bakomoragahe  ubuhanga n’ ubuhangange butuma bubahwa?

Mu gitabo inganji kalinga  cyanditswe na Mgr Alex Kagame dusangamo ko  abavubyi bakomokagaga akenshi mu bahinza. Kugirango twumve neza abo aribo ni uko twabanza kumenya abahinza icyo ari cyo. Ibindi cfr Inganji Kalinga  P26

Mu bahinza habagamo  abatangaga uburumbuke aha hakaba ariho hashakirwa  inkomoko y’abavubyi kuko abami b’ imyaka babaga barimo abatanga inzira n.abavuma ibyonnyi.

Gusa nanone mu mateka y’abanyarwanda  bafataga umwami  nk ‘ umuvubyi mukuru ushobora kumanurira  imvura rubanda bagahinga bakeza. Ibyo uwashaka kubimenya  yabisanga mu gisigo  urugumye  urukanga umwami.

Mu myubahire  n’ imitekerereze y’abanyarwanda bo hambere  bemeraga ko igihugu  kitagira  umwami giteramo amapfa. Ndetse  imvura yabura ugasanga bijujuta  ngo uyu mwami aribwira  iki? Aha ariko ukaba wakwibaza niba koko umwami yari umuvubyi  mukuru  impamvu  yagombaga kujya kubanza guhanuza ngo ashake insinzi y’ amapfa.

Mu mateka y’ u Rwanda  umwami wimye hagatera  inzara  ni  Yuhi IV Gahindiro. Ayo mapfa yakurikiwe  n’ inzara   ya Rukungugu mu gihugu cyose. Kubera ko yari yararwaniye  ingoma bavuga ko Atari we  mwami imvura iguye Musare akura ubwatsi muri  iki gisigo avuga ko umwami ari we muvubyi mukuru.

Undi mwami mu bitekerez by’ abanyarwanda  ngo waba yaramanuye imvura  ni Ruganzu ubwo yari abundutse avuye I Karagwe. Icyo gihe ngo u Rwanda rwari rwaratewe n’ amapfa aje imvura  iragwa.

Uretse abavubyi abandi babangikanaga nabo  ni abavumyib’ ibyonnyi. Mu kingogo niho usanga abavubyi benshi aba bombi barubahanaga kandi  bakayobokana. Abavubyi baturaga ikora abavumyi  kugirango bazabavumire ibyonnyi abavumyi nabo bagatura amakoro  ngo bazabamanurire  imvura.

URUGERO RW’ABAVUMYI

Nko muri teritwari ya Nyanza

a.      ABAROZI

Abenshi muri bo ni abavantara baje bemeza musinga  ko  bafite  ibanga  ryo kuvuma  abantu cyangwa amatungo cyangwa  gutegeka imyuka mibi. Nk’ igihembo cy’ ibyo bakoze usangabaahabwa imisozi yo gutegeka cyangwa amashyo y’ inka. Abenshi usanga  baza I bwami  gucuruzayo imiti cyangwa uburozi. Ubu ntibikigaragara cyane.

b.     ABAPFUMU

Abapfumu ni abazi kuragura cyangwa se guhanura ibishobora kuzaba mu gihe kiri imbere. Usanga ari bo bashuka umwami Musinga . ntacyo  umwami ashobora gutegura cyangwa  gukora atabanje kuibaza abapfumu. Ni yo mpamvu usanga musinga akunda kwisubiraho ku magambo aba yavuze.

Usanga abapfumu bakomoka mu miryango ikennye  ariko kubera  ubuhanga bwabo no kubasha kwigarurira imitima ya benshi  bafite ijambo rikomeye I bwami kwa Musinga.  Bose banga abazungu ku buryo bukomeye kubera ko bahishura  ubutiriganya bwabo bakagaragaza ko ntacyo bashoboye ahubwo bashuka rubanda.

Akenshi  usanga aribo  baba bari kuisonga ry’ ubwicanyi no kwihorera biba byatanzweho uburenganzira n’umwami.  Usanga ari bo umwami abaza nib a runaka agomba kwicwa cyangwa gukira.

Urugero  ni nk’imiti abapfumu bateye kuiboma ya Ridahigwa  nyuma yo werekana ko aho hantu hatari hakwiye  guturwa n’ umwami. Hafi abatware bose baba bafitye abapfumu babo buri muntu. Ariko ntabudahangarwa cyangwa  ijambo rikomeye babga bafite  nk’abapfumu b’ I bwami.

Dore abapfumu b’ibanze ba Musinga:

·         Kabirigita  utuye  ku musozi wa Mulinga mu Mayaga

·         Karuganda …………………………………Rwasha

·         Serukamba………………………………….Rwahura

·         Sebigabiro……………………………………Nyirabwabwana

c.      ABAVUBYI

Abavubyi(bakunda kwita abashyara) nibo batanga imvura. Ni ngombwa kubavuga hano kuko bafite akamaro kanini muri rubanda. Ntakindi kibatunze kitari ukwishyuza impigu rubanda ruba rwarabahigiye. Ariko umwuga wabo usanga  unafite  ingaruka. Hari igihe imvura itinda kugwa ugasanga  rubanda rurabibasiye kuburyo hari n’abicwa bazira ko baba barishe imvura.

Abavubyi bazwi ubu ni Batege na Nyirahirwa[1]

BAMWE  MU BAPFUMU N’ABAROZI BIZEWE MURI IKI GIHE

KABIRIGITA  (umupfumu)

Ni umunyarwanda ukomoka mu bashingo (umuryango wangwa cyane n’abatutsi. Nta n’umwe wigeraga ashakamo umugeni cyangwa umugabo kuko bizana umuvumo n’ ibyago ku muryango no ku matungo. Nta n’uwabavuga mu gitondo  kubera ko batera  umwaku umunsi wose ntugire icyo ufata).

Kabirigita akomoka ku Mayaga. Se yitwa Nyaruramba yahoze ari umupfumu wa Kanjogera Nyirayuhi. Sekuru Ngagogoye yari umupfumu wa Yuhi Gahindiro na Mutara Rwogera.

Kabirigita ategeka umusozi wa Murinja mu Mayaga akaba ari na we mutware w’uwo musozi.

Musinga na Nyina baramwitabaza mu gihe hari ibibazo bikomeye bishishikaje ubutegetsi no kubijyanye n’icyemezo  kreba n’ ishyingurwa ry’amabanga y’ ibwami.  Mu 1927, I bwami babujije Kabirigita  gutura I Nyanza ariko nyuma yahoo aza gutura hafi y’ I bwami. Ni nawe ni we waraguye  ibijyanye  n’iboma rya Rudahigwa.

KAMPAYANA (umupfumu)

Akomoka mu bega akaba umuvandimwe wa Rwidegembya ni umusushefu mu Nduga no ku musozi wa Kibaga mu Bunyambiriri. Iyo umwami arambagiye Kampayana aramuherekeza n’ishyo ry’ inka kuko yaraguriye  umwami ko igihe ari mu rugendo nta yandi mata yanywa atari ay’ inka z’ibwami.

SERUKAMBA (umupfumu)

Akomoka mu muryango w’abaka(uyu muryango  uswi ku buriganya n’ impaka).

Ni umusushefu ku musozi wa Musange(igice cy’umusozi wa Nyabitare). Afatanyije na mwene se Rwanyagahutu yigeze gushaka kwigarurira ibintu bya shebuja Rwangampuhwe.

Yageze i bwami ahagejejwe no kuragura hashize hafi umwaka. Yahise yemerwa.

KARUGANDA (umupfumu)

Akomoka mu basinga. Yashyizweho na Musinga   ngo amubere umupfumu wa Rwigemaho (rwigemera) umuhungu wa Musinga.  Wapfuye afite  imyaka irindwi  mu 1927.  Karuganda ni  sushefu ku musozi wa Remera mu Marangara. No ku musozi wa Munyinya mu Kabagari. Karuganda yafatanyije na Kabirigita ku ndagu ku nzu z’iboma ya Rudahigwa.

SEBIGABIRO (Umupfumu)

Akomoka  mu Banyiginyani umuhungu wa Bandora wamenyekanye cyane mu Rwanda wapfuye mu 1928 aguye i Rubona na Kigali akaba n’umutware w’abakomoka  kuri Bandora.  Sebigabiro  ategeka umusozi wa Kirwa mu Ndiza  n’ umusozi wa Rugalika muri Rukoma.

RWAMATEMBARA(UMUPFUMU)

Akomoka mu bashingo ava inda imwe na Kabirigita agategeka Nyarurama

ABAROZI

Nta n’umwe uvugwa ku mugaragaro. Abavugwa cyane barimoo Nyirabwabwana na Kandanga ni bo bifashishwaga  mu guhuza musinga  n’abarozi bakiraga mu ngo zabo nijoro.

Abatutsi bose bazi abapfumu.  Mu gushaka insinzi abapfumu bavamu iboma rya Musinga bakajya  impaka basuzuma  ibisubizo bikwiye n’ibidakwiye. Igisubizo cyajyanwaga kwa musinga na nyina na Kabirigita.

Iryo raguza riba mu ibanga  rikomeye. Amazina yabo twayamenye tuyahishuriwe na Rudahigwa. Aba bapfumu babaga batemerewe kurenga  imisozi bategeka batabiherewe uburenganzira na rezida cyangwa  intumwa ye.

twandikire kuri nfidelis12@yahoo.fr  

 

Fidele N.

---